Información del Artículo

Ares Legaspi, Adrián. Niveis de alfabetización entre os membros da catedral de Santiago de Compostela no século XVI

Resumo: O obxectivo deste traballo é o estudo das escrituras usuais practicadas polos membros do cabido catedralicio de Santiago de Compostela durante a primeira metade do século XVI: os modelos escriturarios empregados, a súas características e evolución no tempo, a destreza gráfica de cada escribente ou os motivos que explicarían cada casuística (a idade, a formación recibida, a posición socioeconómica...). Con este fin, analizaremos as sinaturas dos capitulares recollidas nos Libros de distribucións 1 (1530) e 3 (1560) a través da metodoloxía propia da paleografía, así como os testemuños escritos destas figuras que aparecen noutras fontes como por exemplo os libros de actas do cabido. Esta perspectiva de análise permitiranos examinar non só a historia social da escritura en Santiago nesa época, senón tamén observar como unha comunidade determinada respondeu aos cambios culturais e mentais promovidos polo Humanismo, manifestados, neste caso, na adopción e utilización da escritura humanística entre os capitulares.